Terceira mobilidade do proxecto

📢 Esta semana estamos a recibir no #iesafonsoxcambre a un grupo de catorce alumnos italianos 🇮🇹 acompañados por dúas profesoras 👩‍🏫👩‍🏫 que están a participar na terceira mobilidade de alumnado do proxecto #erasmusplus KA2 MusicVibe. Este proxecto está financiado pola Unión Europea 🇪🇺 e nel participamos de forma bilateral co Istituto Comprensivo Statale Rita Levi-Montalcini de Fontanafredda (Italia).

📢 A temática fundamental proposta para esta semana de traballo será a integración e a loita contra as desigualdades a través da música 🎵 e as artes 🎨. Durante toda a semana levaremos a cabo diversas actividades e obradoiros nas que o noso alumnado traballará co alumnado italiano empregando a lingua inglesa🇬🇧. Faremos un percorrido por Cambre e Coruña e outro por Santiago para mostrarlles o noso patrimonio artístico e cultural. Tamén contaremos coa participación da asociación cultural Garrulaxe de #Cambre para mostrar o folclore galego aos estudantes estranxeiros.

Vídeo resumen da primeira mobilidade de alumnado do proxecto MusicVibe en Cambre

 

Último día en Fontanafredda

Hoxe o alumnado asistiu a dúas clases cos compañeiros italianos. Despois dun pequeno recreo tiveron unha charla moi interesante sobre o matrimonio infantil, ao que moitas nenas de países como Irán ou Afganistán están abrigadas. E para terminar a mañá, tiveron un taller de artes no que fixeron varios collage sobre a temática da semana, a igualdade/desigualdade de xénero. 

Como remate da semana, pola tarde houbo un concerto no que tocaron e cantaron tanto o noso alumnado como o italiano. Como colofón cantamos todos xuntos unha das cancións que prepararon os nosos alumnos, "Azzuro".

Mañá toca volver a casa.